-!The SexBomb!-

Miðvikudagur

Thu, 19 Oct 2006 00:19:21 GMT

Kvöldið!

Undanfarna daga hef ég verið í ökuskóla, að taka Ö2 námskeiðið. Það hefur verið mikil skemmtun, enda Siggi Þórarins með eindæmum glæsilegur maður! Kemur stundum með alveg magnaða brandara, sem allir sjá sér því miður ekki fært að skilja. En ég skil hann, og eru gríðargóð tengsl milli okkar Sigga.

En bílprófið fer ég í á föstudaginn. Einmitt losnaðir úr gifsinu á föstudaginn síðasta, svo það er allt klárt! Það væri alveg endalaust mikið ég samt að falla á þessu blessaða prófi, enda þótt ég sé nú sæmilega fær um að bæði keyra og læra þetta. Ég veit líka að margir hugsa sér gott til glóðarinnar, því ef ég fell í þessu verður sennilega stanslaust skotið á mig fram undir áramótin 2008. Einnig er gaman að því að ég bý svo vel að eiga góðhjartaða frænku sem heitir Birgitta Rún, sumir kannast kannski við hana. Hún á sér þá ósk heitasta að ég einmitt falli á þessu blessaða prófi! Hef aldrei skilið þessa þörf annarra til að níðast á öðrum. Ekki geri ég það allavega, ónei! En nóg um þetta mál.:lol:

Þarsíðustu helgi var óvissuferð meistaraflokkanna. Var það mikil gleði, mikið var drukkið og allir skemmtu sér vel. Nema kannski hún Anna Sigríður, sem einhver fantur tók að sér að fótbrjóta! Ekki fallega gert það. En það var sumsé farið í Mývatnssveit, en er það einkar fallegur staður um 70 km frá Húsavík. Ég hef reyndar komið þar einu sinni, eða jafnvel tvisvar, áður. Og reyndar sá ég ekki mikið nýtt. Og var íþróttahúsið alveg jafn lítið og alltaf áður, lónið alveg jafn kalt og síðasta haust og alveg jafn leiðinleg sunnanátt og svo oft áður. En samt sem áður langbesti staður á landinu!:D Nú, gleðinni lauk svo í Verkalýðshúsinu niður á Húsavík, var þar drukkið, spjallað, farið í leiki og margt fleira. Vann ég einmitt afgerandi sigur í einum leiknum, og eru menn ennþá að reyna að hreinsa tárin úr teppinu þarna eftir það. Í heildina litið var ferðin þó gríðar góð, og áttu þeir frændur, Siggi Valli og Gunni Siggi leik kvöldsins, eða að reyna báðir við sömu stelpuna:haha:

En þetta gengur fínt í skólanum, Guðný Helga hefur tekið við óvæntu, en gagnlegu ástfóstri á mér. Björgvini Leifs finnst hinsvegar að ég hafi eitthvert "attitude út í sig, og skólann" eins og hann orðaði það svo svo skemmtilega! Sem er náttúrulega haugalygi, ég elska Björgvin Leifs, og alla hans góðu brandara. Sem reyndar enginn hlær að nema ég og Halldór.

Gunni Bald er samt sem áður klárlega aðalmaðurinn í skólanum, á þvílíka gullfrasa þessi maður. "Fótbrotin fiskifluga", Guð minn einasti!!:lol::lol:

En næstu helgi er löng helgi, eða frí á föstudegi og mánudegi. Er stefnan tekin upp í sveit, eftir að hafa náð bílprófinu. Verður maður ekki að gera ráð fyrir að ná því annars? Á laugardagskvöld er ógurlegt, ægilegt slægjuball upp í sveit, og verða allir að mæta á það. Þarna verður allt helsta þotuliðið allavega, Jón Ásgeir herbergisfélagi, Elsa vinkona, Siggi frændi, og aldrei að vita nema við drögum Árna gamla í Garði með! Allavega fáum við Halla frænda pottþétt!:D

Annars ætla ég bara að bjóða góða nótt í bili, hendi inn einni mynd úr partýinu í Verkó! Áberandi rauðhærðust í heimi eeeer ... Dagný! Og sjáiði Halldór Fannar Júlíusson í dansinum!!!8|:lol:

Björn Hákon benti mér samt á þennan brandara á uppáhalds síðunni sinni, þakka það...
Allir krakkarnir voru með gel í hárinu, nema Hrund...

...hún var með brund...

Góðar stundir!

Fimmtudagur

Thu, 21 Sep 2006 11:10:05 GMT

Góðan og blessaðan! Koma frá mér fáeinum orðum, svona til tilbreytingar. Allt gott að frétta, skólinn byrjaður sem er mjög leiðinlegt. Gengur svo sem sæmilega í honum, nema ég braut hægri hendina á mér í leik á móti Aftureldingu hérna fyrir nokkru. Það þýðir að ég get hvorki glósað né gert nokkuð skemmtilegt, þið skiljið.:lol:
Annars bara nákvæmlega ekkert að gerast, erum hættir að æfa fram í nóvember, þá byrjar undirbúningstímabilið með tilheyrandi útihlaupum og ógeði. Hlakka gríðarlega til!

Nú um þarsíðustu helgi var lokahófið með tilheyrandi gleði, verðlaunafhendingum og þvíumlíku. Birgitta gerði sitt besta til að koma bikarnum sem besti leikmaðurinn fékk hingað heim, en náði því miður ekki nema einni skrúfu úr honum. Menn voru í misjöfnu ástandi og ýmislegt gekk á en flestir fóru sáttir heim. Slátrið reyndar lenti í því að vera kærður, það er að segja af liðsfélaga. En sökum þess að Sektarnefnd Besa var ekki í dómhæfu ástandi þá slapp hann. Aron var kynkaldur ársins, Stebbi Jón fékk verðlaun fyrir stör ársins, Siggi Valli, Jói Kóngur og Aron fengu smokk, Björn Hákon fékk hösler ársins, og dró reyndar mig inní það líka. Allir vita nú að það var bara til að hann liti betur út!;)
En svona heilt yfir var þetta hin besta skemmtun, allavega hafði ég mikið gaman, læt hérna eina mynd fylgja, en Birgitta lofaði að hún myndi sjást!:)

Eins og sjá má er Dóri þarna að hella epladjús upp í mig, enda máttu yngri en 18 ára ekki drekka á lokahófi og var því brugðið á það ráð að hella upp í þá.:lol:

En ég er annars bara í eyðu núna og sit hérna með Birgittu frænku að nöllast í tölvunni.
Ætla að koma mér á klósettið og svona, svo þetta er gott að sinni.

Minni annars á skoðanakönnunina hér til hliðar, en hún er mjög mikilvæg!!

Sunnudagur

Sun, 16 Jul 2006 16:43:55 GMT

Sælt veri fólkið! Merkilegt hvað sunnudagar eru nánast pottþétt leiðinlegir dagar. Allir þunnir eða ennþá fullir og lítið að gera. Annar hver maður með móral yfir síðustu nótt og restin með glóðurauga, alltaf sama sagan! Þá er upplagt að blogga smá.

En það er orðið langt síðan ég lét í mér heyra síðast, og kemur það til af því að ég fór í fýlu við síðuna. Það er margt búið að gerast, ég er búinn að skipta um vinnu og kominn í byggingarvinnu með Jónasi Frissa. Mikið gaman að því, miklu skemmtilegra að vinna úti og svona. Ber að ofan bara í góðum fílingi, það er að segja ef það væri einhverntíma jafn gott veður hér og maður á að venjast úr Mývatnssveitinni!:lol:

Annars er maður bara að vinna frá 8-17 og æfingu 17.30-19.00, svo það er enginn gríðarlegur tími til að gera neitt af sér. Um helgar eru svo meistaraflokksleikirnir og á mánudögum eða þriðjudögum eru 2. flokks leikir, sem skilur eftir alveg einstaklega lítinn frítíma. Sem er svo sem allt í lagi, alltaf gaman að spila bolta! Nema ég kemst alltof lítið heim í sveit sem er svona heldur klént!:) En ég stefni nú á að fara þangað næstu helgi, að öllu óbreyttu, hitta vinina og gömlu nöldurseggina í Garði (Það eru mamma og pabbi..).

En ég ætla svo sem ekki að færa ykkur neinar hetjusögur, unnum Sindra í gær 2-1 á heimavelli, sem er mjög gott! Kominn tími á þetta, taka svo bara taplausa seinni umferð og beint upp úr þessari helvítis deild!!:klikk:
2. flokkur fer svo á morgun að spila við Hött á Egilsstöðum, alltaf svo gaman að keyra í 3 tíma í rútu eftir vinnu, spila í 90 mín og keyra heim, kominn heim 1-2 um nóttina og mæta svo í vinnu klukkan 8 daginn eftir .. Þvílík snilld! Þetta væri reyndar allt í lagi ef við myndum vinna þessa leiki, þá væri maður ekki með neinn móral daginn eftir. Svo við neyðumst eiginlega bara til þess að vinna á morgun! Það ætti nú alveg að vera gerlegt ef að Jónas fær ekki eins og kannski svona 7 krampa, ég nýti færin mín og Aron haldi áfram að vera rauðhærður og hætti að hugsa um hvað hann er ástfanginn í leikjum! Þarf einmitt að koma því á framfæri að Aron og Dagný eru trúlega rauðhærðasta par á jörðinni, alveg glæsilegt!:lol:

En já, svo er svona nýjasta nýtt að ég og Birgitta erum aðalparið í bænum! Birgitta er einmitt bara dóttir móðursystur minnar svo það er í góðu lagi!:lol: Birgitta er spurð reglulega hvort við séum að græja það, og mér finnst það alltaf jafn fyndið.. Húsvíkingar eru alveg ótrúlegir í slúðrinu!;)

Svo er lítið meira sem ég get logið að ykkur, bara gaman í gær, Einar Guðna í bænum, sem er náttúrulega bara gott því hann er svo glæsilegur!:o Leitun að öðru eins eintaki!:P

En góðar stundir, endilega kommentið og segið einhverjar hetjusögur! Og ef það er eitthvað að frétta úr Mývatnssveitinni sem fögur en alls ekki æði þá látið það flakka! Ég veit bara að Jón er aðalmaðurinn í boltanum þar!;)

Over and out!

!!

Thu, 22 Jun 2006 22:33:02 GMT

Var búinn að gera hrikalega langa og skemmtilega færslu sem hvarf svo bara!!!!!!!!!! Og núna ætla ég að vera í fýlu í minnsta lagi mánuð!!
:evil::evil:

Þór hinn reiði!

Þriðjudagur

Tue, 06 Jun 2006 20:30:08 GMT

Verði ykkur öllum að mold og skít, sem suðið og suðið um nýja færslu, innan 3ja mánaða frá þeirri síðustu! Það er ekki hægt að ætlast til að maður sitji sveittur fyrir framan tölvuna (nema náttúrulega ef maður er á einni blárri) alla daga til að fullnægja þörfum ykkur hvað að því kemur að hnýsast á óvæginn hátt í líf annarra! Skammist ykkar!:)

En jæja. Húsvíkingar eru furðulegt fólk. Það taldi ég mig vita, en mánaðarlöng dvöl mín hér í bæ hefur sannfært mig algjörlega! Allir vita allt um alla, og oftast meira en einstaklingurinn veit um sjálfan sig, sumsé einhvern uppspuna. Falleg stelpa er kölluð hæna, en eins og flestir vita er það fullvaxinn, kvenkyns hænsfugl, eða Gallus gallus upp á latínuna. Sérstakt? Já, en ekki finnst Húsvíkingum það.
Nú, þessi ágæti kynþáttur hefur ávallt rétt fyrir sér. Enn hef ég ekki fundið þann Húsvíking sem fæst til að viðurkenna að eitthvað sem hann sagði sé ekki nákvæmlega rétt og hafi sér einhverja aðra útskýringu. Sérstakt?
Ef maður mismælir sig, þá er maður aldeilis ekki leiðréttur, það er tekinn góður tími í að snúa út úr og rangtúlka það sem maður sagði! Sérstakt?
En Húsvíkingar eru ágætir, það vantar ekki. Hinsvegar lifa þeir alveg í umsnúinni ranghugmynd. Þeir halda að þeir séu betra fólk heldur en Mývetningar. Þetta er náttúrulega eins og að segja að jörðin sé flöt! Þvílík endemis vitleysa, leitun að öðru eins.
En ég þurfti bara að koma þessu á framfæri, það er nefnilega mikið skotið á mann fyrir að vera úr Mývatnssveit. Þess vegna er alveg upplagt að drulla yfir Húsvíkinga á morgun, þó ekki væri nema til að mér líði örlítið betur!
:lol:

En ég er fluttur til Dísu og Ella, allt gott um það að segja. Fékk mína eigin kommóðu og allt, hef ekki vitað annan eins munað til lengri tíma!;)
Gaman samt að segja frá því að það er Ídalaball um næstu helgi, sem og Greifaball, og Sjómannadagur. Mjög gaman allt saman, nema náttúrulega að sjálfsögðu það að ég verð að spila bæði laugardag og sunnudag!! Alveg tær snilld!:frown:

En bið að heilsa ykkur, og til ykkar sem alltaf röfla, megi þessi færsla standa í ykkur svo þið sjáið ykkur ekki fært að mæla um ókomna mánuði!

Besta dagsins: Ég, Jón, Hjalti og Nonni köstuðum rebbanum/hræinu hans Gunnars Inga fyrir bílinn hans á ferð og hann klossaði og keyrði síðan yfir hann. Það ánægjulegasta sem ég hef orðið vitni að lengi!

Sunnudagur

Sun, 14 May 2006 23:56:45 GMT

Jæja góðir hálsar! Langt um liðið síðan síðast, hefur verið hálfgerð bloggleti í gangi hjá mér. En ég var reyndar að klára skólann og svona vesen eitthvert, alltaf að keyra á Húsavík á æfingar og í vinnu og einhver bölvuð vitleysa í gangi!
En ég er allavega fluttur á Húsavík núna, bý hjá afa og ömmu í góðu yfirlæti til að byrja með. Flyt svo til Dísu og Ella um mánaðarmótin einhverntíma og verð þar í sumar.
Verð sumsé að vinna á Norðlenska í sumar, sem er held ég bara ágætt. Fyrir utan að ég verð að vinna inni og ég er kannski ekki alveg vanur því.:) Hef samt trú á að þetta verði ágætt.
Völsungur tapaði hinsvegar fyrir Sindra í dag í fyrsta deildarleiknum, fá skömm í hattinn fyrir það. Ég var ekki með, en skilst að þetta hafi verið mjög slappt, enda fór 4-1 fyrir Sindra á Höfn.
En ég nenni ekki að skrifa neina ritgerð, kemur meira við tækifæri af uppátækjum síðastliðinna vikna. Ætla að fara að halla mér, vinna 7 í fyrramálið, en engin æfing samt!:|
Góða nótt!

Orð dagsins er hannað af Jóni Ásgeiri (Jásgeir): Alibani. Það er Ali-talibani, dregur nafn sitt af aligæs og álíka.

Föstudagur, ekki hinn langi þó.

Fri, 31 Mar 2006 10:55:02 GMT

Daginn, daginn! Þá er víst komið að því að skrifa einhvern ágætis óþverra, enda hefur verið viðvarandi þurrkur á síðunni hvað svoleiðis varðar.

Nú, vitanlega hefur mikið gengið á síðan síðast, en verður ekki sagt frá því öllu hér. Þó, til að friða ykkur, skal ég greina frá því helsta.
H-Hópurinn í VMA fór suður, en það eru afburðargáfaðir nemendur í VMA sem eru í þeim hóp! Öðru nafni Hraða-Hópurinn. En allavega fórum við suður hérna í síðustu viku, þar var kíkt í Háskóla Reykjavíkur og Listaháskólann, ásamt því að fara á Víkingasafn. Þá er allt það leiðinlega upptalið í þeirri ferð. Á hinn bóginn fórum við í paintball, þar sem ég stóð mig alveg stórkostlega í skítakulda og vindi. Soffía, ættuð úr Vogum í Mývatnssveit, kíkti einmitt með okkur þangað. Að því loknu var haldið í sund til að ná úr sér hrollinum og síðan í keilu. Þar skal tekið fram að ég og Meistari Einar vorum framúrskarandi i því, og voru aðrir líklega að spila einhvern allt annan leik, svo sem Rennuleikinn eða Antonsleikinn.
Seinni daginn var rölt í Smáralindinni, kíkt í KTM umboðið og farið í bíó á V for Vandetta um kvöldið. Gríðarlega góð mynd þar á ferð.
Ferðin var í heildina litið mjög góð, og sérstaklega typpaleikfimi sem ég stundaði af miklum krafti í mötuneyti Fjölbrautarskólans í Garðabæ, mjög svipuð þeirri sem við Jónas æfum reglulega. Leikfimin vakti gríðarlega lukku og hef ég fengið nokkur tilboð við að sýna þetta í grunnskólum víðsvegar um landið.

Nú, ég komst í lag og byrjaði að æfa aftur. Spilaði svo leik snemma í mars, á móti Fjarðarbyggð og fór hann 2-2. Ekki nógu gott, en náði að pota inn einu marki. Gaman að því þegar Mývetningurinn skorar, og fann ég mig nauðbeygðan til að skjóta því að Sigga Valla þegar ég var að fagna.
Síðan helgina eftir það spiluðum við á móti KS/Leiftri og fór sá ágæti leikur 1-1. Við spiluðum mjög illa, en Siggi Valli setti hann og tók stórglæsilegt handahlaup þegar hann var að fagna.
Síðast, og allra síst, áttum við leik um síðustu helgi gegn Leikni Fásk. og tapaðist hann 2-0. Þar byrjaði ég frammi, en var færður niður á miðju þegar Danni þjálfari meiddist eftir 7 mínútur, og átti vægast sagt mjög slakan leik, eins og reyndar allt liðið.
En það er frí um þessa helgi frá leikjum, og verð ég að vinna á Íslandsglímunni á morgun. Hún er í Síðuskóla á Akureyri, og hvet ég alla til að mæta, en hún byrjar klukkan 13.00 að staðartíma.

En Bjarki stórvinur minn og óðalsbóndi er í heimsókn hjá mér í augnablikinu, og skal tekið fram að hann fékk ekkert í nótt. Enda eru þeir félagar, Bjarki og Sveinbjörn "Reynir við allt" Lund, alveg ótrúlegir þegar kemur að hinu kyninu. Hef ekki fleiri orð um það, en kunnugir skilja sneiðina.

Og lífið á vistinni gengur bara sinn vanagang, ég og Sveinbjörn áttum glæsilegan hrekk á Ragnhildi um daginn. Hún tók sig nefnilega til ásamt vinkvendum sínum og gróf bíl Sveinbjarnar niður þannig að hann var fastur. Sveinbjörn var skiljanlega ekki sáttur, svo við gerðum okkur ferð á herbergi Hólmarans og helltum 1 1/2 lítra af vatni í rúmið hennar. Öskrin og blótsyrðin þegar hún komst að þessu virðast hafa heyrt víðsvegar um landið, og hafa tengiliðir mínir á Höfn, Vík og Ísafirði þegar látið mig vita af því.
Þetta var hinsvegar mjög gaman, og vorum við Sveinbjörn gríðarlega ánægðir.

Þá fer ég að láta þessu lokið í bili, bið ég menn vel að lifa og ganga hægt um gleðinnar dyr!
:lol:
Over and out!

Mánudagur

Mon, 06 Mar 2006 15:11:30 GMT

Daginn, daginn!

Nú er lítið að gerast, skellti mér heim um helgina og fór að vinna. Helvíti gott, vorum í miklum tilfæringum og trakteringum. Annars er það bara skólinn og að gera ekki neitt, voðalega gaman. Opnir dagar í VMA á morgun og hinn, hvet alla til að koma og finna sér eitthvað að gera.
Annars vorum við Dóri að kenna glímu á miðvikudaginn síðasta. Kenndum einhverjum krökkum í íþróttaáfanga í VMA, alveg stórkostlegt. Menn voru svona misjafnlega góðir, en allir áttu sín gullnu móment.

En héraðsbúar í Þyngeyjarsýslu eru yfir sig ánægðir með að eiga möguleika á að fá Álver á Bakka við Húsavík. Mikið gleðiefni, segi ekki annað. Og svo koma þessar mannvitsbrekkur þarna frá Húsavík og lýsa því yfir að það sé alger samstaða um þessar framkvæmdir í héraðinu. Ojbara og ullabjakk!

Hef annars lítið að segja ykkur, læt vita ef eitthvað markvert gerist. Annars eru Hildigunnur og Kalli að koma heim núna á næstu dögum. Gaman að því!
:)

Þriðjudagur

Wed, 22 Feb 2006 00:06:31 GMT

Jæja nú held ég að þar sem ég virðist vera latasti bloggari á jarðríki, að Svölu meðtaldri gott fólk, að það sé réttast að henda inn eins og einu kvikindi.
Hefur lítið á daga mína drifið undanfarna daga, hef gert mikið af ekki neinu eins og oft vill verða hérna á Eyrinni. Er kominn út í þær pælingar að fá mér vinnu, ef einhver veit af helgarvinnu eða vinnu eftir skóla við eitthvað af viti, þá má láta mig vita. Og Hildigunnur, ef þú lest þetta kæra systir, máttu spurja Kalla hvernig staðan sé á SS-Byggi með svona lagað.
En helgin var reyndar góð, eða svoleiðis. Hugsa að ég fari að taka mér 48 mánaða frí samt, eins og pabbi gamli! Keyrði einmitt bara tvær ferðir heim og tvær aftur inneftir þess helgina, og helminginn af þeim alveg þvert gegn vilja. Þó viljinn hafi reyndar kannski ekki verið sýndur í verki. Frekar raunarlegt allt saman.
Árshátíð VMA er á komandi föstudag. Ætli maður kíki ekki á hana, bara til að geta sagst hafa farið. Stóri gallinn er sá að það kostar "einungis" 4.500 kr.- að fara á þetta. Sem leiðir af sér að þetta getur varla talist hvítum mönnum bjóðandi. Kannski maður verði að ræða við Sparisjóð Mömmu Group og ræða um stuðning við þessa fjárfestingu. Biðja gömlu að vera bakhjarl, eða svoleiðis.
En vinir mínir í MA ætla að "leggja niður störf" á morgun eftir 2. tíma, til að mótmæla styttingu náms til stúdentsprófs. Það er náttúrulega fáheyrt að einhver sé tilbúinn að leggja niður störf, sumsé hætta að vinna, til að mótmæla því að vinnan manns sé stytt. Ég hef reyndar alltaf álitið MA-inga svona með þeim skærari á nemendatertunni, en með þessum aðgerðum verður loginn nú að hreinlega að báli. Eins og það sé ekki ástæða til að stytta FJÓRTÁN ára nám. Getur einhver gróflega reiknað hvað 14 ár er stór hluti af meðal mannsævi? Ef við gerum ráð fyrir að verða sjötug þá er það 1/5. Reyndar er meðalaldur eilítið hærri, kannski 78 ár. Nú ég geri ráð fyrir að heilsa og annað sé í lagi til sextugs, og þar af best á aldrinum 12-30 ára. Getur einhver sagt mér hvað maður eyðir mörgum mánuðum af þeim árum á skólabekk, ef við kannski gefum okkur að við förum í Háskóla?
Já, mér þykir alveg sýnt að MA-ingar eru að gera okkur öllum greiða! Ég skil vel að menn vilji ekki stytta námstímann okkar, eins og Íslendingar eru yfirleitt duglegir!

Annars veit ég ekki hvernig er með þetta nám mitt, ég á próf í Eðl 103 á morgun og veit ekki alveg hvernig það fer. Kannski væri best að fara að taka sér pásu frá þessum skóladjöfli, og fara að fordæmi Bjarka stórvinar míns! Hann Bjarki veit nefnilega sínu viti, þó lítið sé það!:)
En hvernig litist mönnum á það hjá mér að ég tæki mér skólapásu og færi að vinna?
Og verið endilega dugleg að kommenta, svo þessi bloggur verði ekki til einskis skrifaður!

Over and out!

Sunnudagur

Sun, 05 Feb 2006 20:53:14 GMT

Já góðan daginn!
Þá er maður kominn á Eyrina eina ferðina enn, töpuðum í dag á móti Þór í Powerade mótinu 1-0. Þeir skoruðu á 91. mín, svo sem fyllilega verðskuldaður sigur, vorum að elta þá allan tímann. Svekkjandi að Arnar Vilberg skildi ekki setja hann, þegar hann fékk besta færi leiksins samt! En ég spilaði ekkert, hnéð á mér er farið aftur og ég er að fara aftur í hina stórskemmtilegu sjúkraþjálfun.:| Djöfull sem ég hata þetta hné..
Spilaði hinsvegar á Laugamóti með Mývetningi í gær, liðið var að vanda stórgott, ég, Hinrik, Ásgeir, Grjóni, Grettir og Þórhallur. Unnum þetta að sjálfsögðu, alveg snilld að spila aðeins innanhúss. Síðan fórum við uppeftir og ég komst aðeins á GasGas seinnipartinn, fór svo í gjánna með góðu fólki og svo heim til Júlla að horfa á mynd.

En annað er það sem er alveg snilld. Múslimar. Þessi óþverralýður er að brenna upp og drepa Dani og Norðmenn um allan heim útaf teiknimyndum. Sumsé, skopmyndum af Múhameð, sem enginn veit þó hvernig leit út eða neitt. Þvílíkir snillingar, nú loksins er heimurinn að gera sér grein fyrir hvers konar skítmenni þetta eru. Heimurinn væri miklu betur kominn án Bandaríkjamanna, Gyðinga og Múslima, það er ég alveg viss um.

Eftir leikinn í dag fórum við Gunni Siggi, Siggi Valli, Aron og Gummi múmínsnáði niður á Café Amour og kíktum á Chelsea-Liverpool. Þá voru reyndar bara 5 mínútur í hálfleik, svo að við ákváðum að fara á Subway, eftir miklar vangaveltur, að éta. Nema Aron, hann vildi ekki éta þar svo hann fór eitthvað annað, man ekki hvert!:lol:
Þegar því var lokið fórum við upp á vist að horfa á restina af leiknum, en þegar þangað var komið uppgvötuðum við þá snilld að það var ekki hægt. Svo við kíktum niður á herbergi og vorum aðeins að rugla í fólki á MSN. Halla Björg snappaði örlítið, greyið barnið. En Siggi Valli er eiginlega bara hálfsár út í hana:lol: Þetta var nokkuð skrautlegt!

Svo má nú ekki gleyma því að síðasti fimmtudagur var sérlega viðburðarríkur, man einhver hvað gerðist þá?:)

En já! Bjarki! Ég vann þig á laugardaginn! Svekk.

Mánudagur

Mon, 30 Jan 2006 18:15:53 GMT

Jamm og já! Þá er maður kominn á Eyrina aftur, var í Kelduhverfinu um helgina hjá Maestro Bjarka. Fór á þorrablót þar, alveg hrein og tær snilld! Þar voru Jónas Þór og Bjarki í gríðarlega góðu ástandi, alveg ótrúlegt hvernig er hægt að vera svona drukkinn og samt verið "gáfaður" eins og Jónas vildi meina!
Síðan spilaði ég í gær með Mfl. á móti KA, skemmst frá því að segja að þar höfðum við sigur! Ég skoraði meira að segja í 1-0 sigri, spilaði bara síðustu 20 mínúturnar samt. En gaman að segja frá því að við Aron erum með flest mörk í Mfl. miðað við spilaðar mínútur, og stefnum á að halda því!:lol:
Svo fór maður í skólann í dag, mætti í Eðlisfræði hjá Brynjari. Sá maður er náttúrulega snillingur, en ég hefði nú alveg eins getað sofið eins og Jón Ágúst ákvað að gera, helvítis murturinn! Það var ekkert gert í þessum tíma, ég bara spilaði FM og reiknaði svo 2 auðveld dæmi.
Var síðan áðan í Bónus með Jóni og Svölu. Hún er svo magnaður ökumaður hún Svala mín, það er alveg leitun að öðru eins. Við Jón vorum sko aldrei hræddir, og mjög öruggir þarna í bílnum með henni!:)
En fyrir helgi gerði maður voðalega lítið. Fór á æfingu með Magna, ásamt tvöföldum Stebba og Gunna J. Það var fínt, sérstaklega að taka útihlaupið fyrir æfinguna. Hef aldrei gert neitt jafn skemmtilegt!:lol: Annars fara MA-ingarnir að koma aftur, æ, æ, æ. Þetta er búin að vera yndisleg vika, alltaf nóg pláss á bílastæðunum, lítil sem engin umferð þegar maður er að fara í skólann, lítill hávaði á vistinni, engin biðröð í mötuneytinu, engar nördalegar samræður í matsalnum um æxlunargetu þvottabjarna eða eitthvað álíka, og yfir höfuð bara mjög lítið af slæmu fólki hérna á vistinni. Og engir hommar. Og enginn með trefil.
Var að byrja í fjarnámi í Stæ 303, er ekki viss um að ég geti það. Þetta er eitthvað sem ég verð að fara í tíma í sýnist mér, voðalega flókið. Vona bara að ég geti tekið eitthvað annað í fjarnámi, tala við Ásdísi á morgun!
En veit einhver fyrir víst hvort það er Hlíðarbær á föstudaginn? Sú saga gengur, en ekkert staðfest um það. Síðan held ég að það sé Laugamót á næsta laugardag, og svo er leikur við Þór á sunnudaginn! Þetta verður alveg snilld. Við ætlum að taka þetta helvítis mót, í eitt skipti fyrir öll. Held að ég, Hinrik, Ásgeir og einhverjir verði í liðinu. Alveg frambærilegt sumsé.
En kommentið eitthvað fallegt, rífist eða segið góðar sögur. Trúi ekki öðru upp á ykkur en þið getið það. Allavega ætti Ragnhildur Hólm að geta það. Best ég taki það líka fram að hún gengur nú bara undir nafninu "Hólmarinn", að eigin ósk. Bið ég ykkur að virða það og taka þetta nafn hennar upp.

Miðvikudagur

Wed, 25 Jan 2006 14:26:25 GMT

Ligg hérna upp í rúmi, hef ekkert að gera eiginlega. Ætla að skokka niðrí Pennann bráðlega að kaupa Stæ 303 bókina, eða á hana kannski einhver? Þá megiði láta mig vita!
En það var vitaskuld alveg snilld á þorrablóti í sveitinni. Ég og Bjarki skemmtum okkur stórkostlega, menn drukku og skemmtu sér þarna að venju. Skemmtiatriðin voru í góðu lagi, og Láki Palli, pabbi Jóns, sló öll met með stórkostlegri framkomu sem Kristján Ólafsson! Hann hefði átt að fara í leiklist þessi maður, ég grét hreinlega úr hlátri! Svo er Bjarki búinn að bjóða mér á þorrablót heima hjá sér. Ég hugsa að ég kíki bara þangað, en þá ætla ég nú að vera rólegri. Ég ætla að vera í góðu standi í leiknum við KA daginn eftir með Völsungi í Powerade mótinu. Við einmitt spiluðum við Magna á sunnudaginn var, daginn eftir þorrablót heima. Ég fékk að spila einar 60 mín, það var ágætt. Er að venjast þessu ennþá náttúrulega, miklu minni tími með boltann og eitthvað!
Svo fór ég á Húsavík í gær, tók þar útihlaup og æfingu með Mfl., var bara gaman. Keyrðum litla 200 kílómetra fyrir tæplega 2 tíma æfingu! ;)
Í dag var það bara skóli og svona, leiðist voðalega núna. Held ég fari að finna mér eitthvað að gera, svona til að halda sálrænu ástandi mínu í þessu lágmarks lagi sem það er alltaf.
En gaman að segja frá því að Margrét mín ætlar að fara út í vaxtarrækt, hún var að fara í einhverja bikinísýningu í dag! Þvílík snilld, ég hlæ illgirnislega innra með mér yfir öllum skotunum sem eiga eftir að koma þegar hún verður orðin massaðri en ég!:D

Skemmtið ykkur, og kommentið eitthvað fallegt!

Laugardagur til .. Þorrablóts!

Sat, 21 Jan 2006 10:39:19 GMT

Já góðan daginn ágæta fólk og væntanlega þunna fólk svona í morgunsárið! Við sitjum hérna vitringarnir tveir, Bjarki og ég, og höfum að sjálfsögðu leyst lífsgátuna í dag og gær eins og okkur einum er lagið.

Það er allt stórglæsilegt að frétta af Kynbombunni, hún gerði gríðarlega góða hluti í Gettu Betur og átti hvern stórbrandarann af fætur öðrum! Einnig komst mín ágæta fartölvutaska í leitirnar, og er því öllum efnahernaði frestað að sinni innan veggja hins ágæta Verkmenntaskóla.
Nú við, komum í sveitina í gær höfðingjarnir, ég skrapp í lónið með Sigga frænda á hinum glæsilega Volvo systur minnar, en því miður fyrir hana endaði hann utan vegar og örlítið beyglaður. En það er nú allt í lagi.

Svo náðum við bara í ágætan Bjarka, en hann var hjá Stebba baðlónsstjóra að reyna við Signýju dóttur hans, og fórum heim að horfa á Wild Wild West, en þá mynd höfðum við Siggi aldrei séð áður, og ekki Bjarki heldur!
Síðan vöknuðum við í morgun og helltum okkur út í vitleysuna, fórum í fjós og kálfastíur og rúntuðum á Landini eins og óðir menn. Síðan komum við heim og horfðum á nýjustu raunveruleikaþættina, sumsé Gló Magnaða, eða Kim Possible eins og það er víst sagt upp á útlenskuna. Það eru mjög raunverulegir og góðir þættir þar sem hamstrar og kjölturakkar geta náð allt að 25 metra hæð, og snjókarlar mynda heri og annað álíka gáfulegt. Höfðingjarnir mæla sérstaklega með þessum þætti, en hann er sýndur á Ríkissjónvarpinu, einnig þekkt sem RÚV, á laugardagsmorgnum.

Nú, í kvöld verða sveitungar mínir hrelldir á þorrablóti, en þangað stefnum við vitringarnir ásamt fríðu föruneyti, svosem Sigga frænda, Halla, mömmu og fleiri. Þar verður væntanlega mikið drukkið og afgamlar kerlingar yngjast upp um fleiri ár og reyna að fá okkur fríðu ungmennin út á dansgólfið til að þeim líði eins og þær séu um tvítugt aftur. Allavega þrítugt. Ekki látum við þó glepjast af þeim freistingum, heldur höldum okkur við hið ferska kjöt, en þó er venjulega lítið um það á þessum samkomum. Þá getur orðið þröngt á þingi um hvern grip, og einkenni eins og súrefnisskortur og ofdrykkja geta vitjað hinna ungu drengja.
En allt fer þetta þó væntanlega vel að lokum!

En núna stefna höfðingjarnir út á veiðar, við ætlum út með spjót og exi að reyna að ná hamborgurum sem ganga lausir upp í hrauni. Þá skal annað hvort setja í hús eða skjóta og éta.

Góðar stundir!

Mánudagur til .. Gettu Betur!

Mon, 16 Jan 2006 10:19:09 GMT

Góðan daginn! Jæja, þá situr maður í skólanum, nýkominn niður af sviðinu í gryfjunni gríðarlega hress. Var verið að kynna Gettu Betur lið VMA, en maður telst víst sekur um að vera í því helvíti! :|
Við eigum einmitt keppni í kvöld gegn litlu liði úr litlum skóla í litlum bæ þarna á suðvesturhorninu, sumsé Borgarholtsskóla. En eins og Ómar orðaði það svo skemmtilega, hefur sá skóli aldrei gert neitt sérstaka hluti í þessari ágætu keppni, en unnu þó í fyrra!
En þetta er sumsé klukkan 20:30 í kvöld, minnir mig, á Rás 2 og er svosem hverjum sem er frjálst að hlusta, og sérstaklega þeim sem er illa við mig, því þeir geta eflaust fundið ástæðu til að stríða mér á þessu.

En þá er það annað, nýju helvítis fartölvutöskunni minni var stolið í síðustu viku, og það er alveg sæmilega pirrandi! Sá andskotans mannfjandi ætti að gefa sig fram hið snarasta, því ég lofa honum mjög skjótum og kannski kvalalausum dauðdaga.:frown:
Hvað er annars að svona fólki, stela svona hlutum frá öðrum, eitthvað sem annar hver maður á Íslandi sem á annað borð gengur í skóla? Þetta fer svo í mig, mér er skapi næst að mæta með taugagas upp í VMA og leita svo á lýðnum þegar ég hef lokið mér af við það. Alveg ótrúlega pirrandi. Ágætir kennarar eins og Brilli, Bensi, Inga Björg og Ásdís mættu þó kannski halda sig heima þennan dag, sem og mínir vinir.

Annars er mest lítið að frétta, búinn að fá æfingaplan frá Völsungi, þetta verður voða næs. Svona rétt á meðan ég blæs á milli hlaupa og lyftinga. Ekkert mál fyrir Þór!

Bið bara að heilsa ykkur folks, endilega kveikið á útvarpinu í kvöld og hlæið, jokes on me þetta eina kvöld!
Góðar stundir!:D

Nýársdagur til.. Nýjunga!

Sun, 01 Jan 2006 19:42:40 GMT

Jæja, þá er nýtt ár gengið í Garð!:lol: Jájájá, missi mig alveg í gleðinni hérna!
En jamm, árið 2006 komið, vonandi að þetta ár verði eitthvað betra en það gamla.
Til dæmis að mér gangi betur í boltanum, að Halldór Ásgrímsson deyi, eða verði allavega ekki forsætisráðherra áfram, að ég nái að halda mig við sömu stelpuna lengur en korter, að ég fái bílpróf, að Bjarki komi aftur í skólann og svo framvegis!

En það er svosem sumt sem stendur upp úr á árinu, ég fékk GasGas snemma í vor, og fljótlega eftir það bauðst mér að spila með Völsungi útá Húsavík. Það var náttúrulega snilld, nema frekar leiðinlegt að vera alltaf að keyra á milli, og þar að auki var maður lengi í gang í 11 manna boltanum. Nú þar kynntist maður fullt af fólki, Alla Jóa og Aroni auðvitað, og síðan fórum við til Svíþjóðar að spila á Gothia Cup. Síðan í árslok skrifaði ég upp á samning við Völsung, svo ég verð þar líka næsta sumar.
Nú, eftir sumar byrjaði ég í framhaldsskóla, eða VMA. Þar kynntist maður auðvitað alveg lots af fólki, svosem Bjarki og Sveinbjörn auðvitað, Dóri, Gerður, Sara, Jónas, Böddi, Salbjörg, Íris og margir fleiri. Síðan meiddist ég og er búinn að vera aumingi síðan, en er byrjaður að æfa aftur.
En jæja, svo kynntist maður náttúrulega Svölu, og svo fór maður austur að vinna í jólafríinu á vegum Sniðils, en það var bara helvíti gaman. Sérstaklega gaman að fara á ball á Reyðarfirði, enda ballmenning þar alveg ótrúlega sérstök!:lol:

En já, áramótin voru fín, byrjaði gamlársdag á því að fara niður á Húsavík og taka eina létta æfingu með meistara- og 2. flokki. Það var alveg ágætt, svo rúntaði maður með Sigga besta frænda í svona rúman klukkutíma, og spjallaði við Birgittu sem var víst ekki sátt með að ég yrði ekki þarna niður frá um áramótin! Svo var étið hjá Hjöra þegar ég kom heim á Grænavatni og skotið upp rakettum í djöfuls móð áður en við fórum heim að sofa! En ég var víst helst til þreyttur..;)

Skólinn fer svo víst að byrja, en ég verð á málmsmíði að mestu, tek eitthvað af náttúrufræði með. Það verður Stæ 303 og eitthvað svona grábölvað. Og svo náttúrulega grunnteikning, sem ku vera hin besta skemmtun!
Annars verður Bjarki ekki í skólanum, eins og ég hef kannski minnst á áður, og þar af leiðandi er maður náttúrulega ekki nema hálfur maður.:whut: Ekki nógu gott, ég skal sko taka í lurginn á uppgjafarkvikindinu þegar ég sé hann!

En Kynbomban lofar bloggi og skemmtilegheitum á nýju ári, jafnvel gæti verið að kaldhæðni og yfirdrull myndi eitthvað minnka, en það er þó líka undir ykkur komið gott fólk!:)
Annars þakka ég bara öllum góðar stundir, og vonast eftir fleirum jafngóðum og betri!

Adios folks!